Алтан зул

 

Ийм био алтан зул цэцэг авч хаврыг хүлээж сууна, тэгсэн чинь өнөөдөр ахиад л цас орлоо хорвоо юмаа. Алтан зул цэцэг био, би био биш цэцэг авахаа болиод удаж байгаа. Яагаад гэвэл асар их хор цацаж ургуулдаг тэрийг нь бид дотор тавиад үнэрлэж амьсгалаад шууд өөрсдийгөө хордуулдаг тул битгий байнга аваарай охид бүсгүйчүүд минь. Олон янзын хорт хавдар аллерги аутоиммун өвчингүүд бүгд янз янзын хортой хүнс хортой ногоо цэцэг навчнаас гаралтай шүү. Монголд сүүлийн үед асар цэцэг бэлгэнд бие биендээ өгдөг болжээ хаана яаж ургуулсан байдаг бол?! тэр бүр сайн мэдэхгүй байх даа ихэнх нь. Цастай өдрийн мэнд!

FFP2 Mask Korona PCR Test

 FFP2 маскгүй бол эмнэлэг оруулахгүй гээд ийм маск 5,50 ёврогоор авлаа. Эмнэлэг орж хамар ам эрүүний зураг авхуулсан юм. Саяханаас энэ маскийг хэрэглэ гэдэг болж.

Ууль нь би нэг том арга хэмжээнд оролцох ёстой юм тэгсэн PCR тест, хурдан тест өг гэнэ. Бөөн лай ланчиг юмаа энэ крона гэж гай гарсан биш.

Үсчин ч орж чадахаа болилоо. Засуулахаа байг гэхэд ядаж хэдэн цагаан үсээ будуулах юмсан. хахах Хүмүүс намайг нас явсан 40 гарсан гээд мэдээд байна үсээ будуулаагүй болохоор хахах. Өөрөө будаг аваад будья гэсэн чинь байгалын будагаар будуулсан бол заавал тэр будагаараа будуул тэгэхгүй бол химийн риакц өгнө гэхээр за гээд байгалын будаг худалдаж авлаа. Тэгсэн чинь таны цагаан үсэнд чинь энэ будаг үйлчилэхгүй байх шүү гээд гаднаа томоор биччихэж. 

Тэгээд үсээ будах гэж байгаад хамаг гэрээ хараар будахаа болилоо. 

Надаар нэг ийм сонинтой крона хурдан дуусаасай гэж ерөөе дөө

Гүйх гэж гараад алхаад

Гүйх гэж гараад алхаад орж ирлээ. Олон сар гүйгээгүй явдаггүй ээ. Жин ч нэмсэн их торт бялуу ч идсэн аргагүй л дээ. Овоо гүйгээд л булан тойроод амьсгаадаад нөхрөө чи гүйдэгээрээ гүй гэчихээд өөрөө алхаад харьж явсан чинь нэг 13-14 настай жаалхүү сагсны шийдэн дээр бөмбөг шидэж байна.  Хажуудаа хөгжим тавчихсан додигор байнаа. Залуу нас бодогдоод хахах.  Хамт бөмбөг шидье гэсэн чинь уриалгахан зөвшөөрч байна. Жаал шидлээ үсэрч цовхчлоо гоё байна шүү бас чиг гэж. Тэгээд жаалхүүд сургуулийн шигшээ багт хамгаалагчаар тоглодог байсан гэж хууч хөөрлөө. 

Одооноос ердөөсөө тууштай гүйнэ. Маротонд Quiet охин шиг гүйхгүй ч гэсэн байнга гүйнээ. 

За нэг иймэрхүү хагас бүтэн сайныг сайхан өнгөрөөгээрэй!

Малгай

 

Би энэ намар ийм малгай хоёрыгавлаа арай өөр загвартайг нь бодоод туршиж үзэх гэж авсан юм. Хар хөхийг нь аваад 2-3 өмсөөд халаасандаа хийж явж байгаад хаячихлаа. Сүүлийн үед юм хаях гээх минь багасаад их сүрхий байсан юм нэмэргүй юм боллоо. Тэгээд энэ сэдвэн дээр үүсээд би бас их олон юм хаяж гээж байсан хүн юм.  Байнга гэрийнхэндээ загнуулдаг байлаа чааваас. Та нар юмаа хаяж гээдэг үү?

Сайхан өдрийн мэнд!

 

Энэ жил цас ихтэй

 Энэ жил германд харьцангуй цас ихтэй жил болж байна. Уул ихтэй өмнөд хэсгийнхэн л их баярлаж байна. 

Шууд гэрээсээ гараад гүйлтийн цанаар гулгаж байна гэж утсаар ярьсан мастер хэлж байна. Тэгэхээр нь та нар жаргаж байнаа л гэлээ. 

Германд болох цанын дэлхийн аварга 2021 цас ихтэй гоё болох нь дээ. Тэнд 1м өндөр цас орсон гэсэн одоо ахиад нэмээд орж байна гэдэг бол цаснаас айлтгүй болох шиг болж байна. 

Гүйлтийн цанаар би гулгаж үзээгүй л дээ үзнэ гээд л 5 жил ярилаа амждаггүй. Заалгая гэвэл мэргэжлийн гадаад дотоодын цаначид их байх юм. Даанч очихоороо би ярьсаар байгаад таарах юм. Дан орчуулга хийхээр чинь завгүй. Өнөөдрийн бодол иймэрхүү. 

Бүтэн сайхныг сайхан өнгөрүүлээрэй!

2021 оны зорилт 2. Ном нэмж худалдаж авахгүй

Ийм олон ном сүүлийн жилүүдэд авсан байх юм. Яг мэргэжлийн номнууд гэвэл их байгаа тэрийгээ эдний тоонд оруулахгүй ээ. За энэ номнуудаа бүгдийг нь уншиж дуусгана тэгж байж шинэ ном авна эсвэл хотын номын сан орж зээлж уншина. Энд тэнд явахдаа бас их сэтгүүл авдаг  авахгүй ээ. 

Өнөөдөр гадаа нартай сайхан өдөр байна. Нар гэрэл гэж хүний сэтгэл санаанд их нөлөөлдөг эд шүү. Монголд өдөр болгон нар гардаг тул хүмүүст мэдэгддэггүй байх. Өнөөдөр эндээс холгүйхэн байдаг рашаанд очиж хэдэн шилнүүдээ дүүргэнэ.  Ундны усанд уугаад хэрэглэчихдэг юм. 

Хагас бүтэн сайн эхэллээ дээ. Нартай өдрийг сайхан өнгөрүүлээрэй!

Хелгагийн бялуу

 

Хэд хоногийн өмнө баруун талын хөрш Хэлга утасдаад манайд ороод ир, би үсээ угаагаад буржийлгаад үс чийгтэй учир гарч болохгүй гэж байна. Орлоо үсэндээ бигуж зүүгээд алчуур зүүчихсэн сууж байна. хаачих гэж байгаа юм гэсэн чинь өөртөө зориулж гоё байна гэнэ. Тэгэхээс яахав их цоглог энэ сард 80 нас хүрэх гэж буй авгай. Би бялуу хийсэн юм гээд ийм бялуу бэлэглэж байна. Байнга энэ хүний хийсэн бялуу иддэг би бас азтай хөөн. Буцаагаад манай хашаанд ургадаг улаалзгана жимсээ хөлдөөчихөөд бэлэглэдэг юм. Тэрэнд их дуртай улаалзганаар бас гоё бялуу хийнэ. 

Пүрэв гарагийн мэнд!

Дэлгүүр хэсэв

  

1.Сүүлийн үед орой энэ шоколаднаас идээд байгаа.Үзэм румтай ном уншиж байх хооронд сайхан амттай гэж гэхдээ их идэж болохгүй ээ.

2. Нүүр хуурайшаад ийм тос авлаа. Миний арьс өдөр болгон тос түрхдэггүй болохоор хүйтний улиралд жаал хуурайших шинжтэй. Дээр үед олон төрлийн тос өдөр бүр 2 удаа хэрэглээд байхад асар хуурайшдаг байсан юм.  Харин тэр маань арилсан.

3.Хүнс цуглуулахдаа сар болгон гардаг миний уншдаг сэтгүүл Myself гарсан тул тусгай сонин сэтгүүл зардаг дэлгүүр лүү очиж авлаа. Энэ сэтгүүлийг 2004 онд германд ирсэнээс  хойш уншиж байна. Германд гардаг олон эмэгтэйчүүдийн сэтгүүлийн нэг. Дээр үед 40 наснаас дээш эмэгтэйчүүдэд зориулав гэдэг сэтгүүлийг хараад за энэ хаа ч байсан юм гэж боддог байсан бол одоо өөрөө 40 хэтэрчихсэн л явж байна. Хүний нас их хурдан юмаа.

Германд кронагийн хорио гээд номын болон бусад бүх дэлгүүр үсчин ресторан 1 сарын 31 хүртэл хаачихсан. 

Цас ороод

Өглөө босоход л цас орж байсан одоо ч гэсэн ороостой. Өнөөдөр хотын төв рүү орж ажил амжуулах байсан ч гэсэн машингүй орно гээд алхлаа. Уул нь шалихгүй ойрхон газар алхсан биш гутал парка хоёр нороод буцахдаа машинаар авхууллаа. Энэ жил манай энд овоо цас орж байнаа ороод л хайлаад л. 

Крона бас нэг бодлын амар ч юм доо нүүр ам будах хэрэггүй маск зүүгээд л болоо.  Ээмэг хүртэл садаа юм байна масканд ороолцолдоод. Том нүүр ам будаг шунх хийдэг компаниудын ашиг орлого буурч байгаа гэсэн. Тэр нь ч дээр дээ охид бүсгүйчүүд минь хамаг мөнгөөрөө хор авч авч арьсан дээрээ түрхэж өөрсдийгөө хордуулахгүй амар.

Ногоо сайхан гацуур моднууд ингээд хач байгаа юм

Нөгөө сүрхий зул сарын чимэглэлээ авч байна лээ.

Цас ороод л хайлаад л

Балук

Нэр Балук

нас 8 

Тунис улсад төрсөн

Найз  нохойгоо бид хоёрт нэг хоногоор үлдээгээд өөр хот руу явлаа. Анх удаа гэртээ нохойтой байж үзэж байна. Нохой хөөрхөн юмоо, хүний ярьсаныг асар сайн ойлгох юм. Тийм учир хагас бүтэн сайн айлын нохой хараад үнэн завгүй өнгөрлөө. За энэ германчуудын нохой гэж хүүхэд шиг л юм доо. Ортойгоо хоолтойгоо хэвтэх дэвсгэртэйгээ ирэх юм. Тэгээд бүүр өдөрт 3 удаа гаргадаг. Хагас сайнд усан үзэм тариалдаг ууланд очиж 12 км алхлаа. Харих гээд машин руу ор гэсэн чинь дургүйдуу л орж байна лээ.

Өчигдөр  бас ахиад 10 гаран км алхлаа. Уяагүй дураар нь явуулчихсан тул ой мод руу ороод алга болчихно. Хаачихав гээд нэрээр нь дуудахаар аль хожуу хаанаас юм мэдэхгүй гараад ирнэ. Сүрхий зам мэддэг нохой. Нохойтой хүмүүс илүү аз жаргалтай байдаг гэдэг үнэн байх. Байнга гадаа байгальд гарна нохойтойгоо хамаг асуудлаа ярьчихна гээд л давуу тал их гэсэн.  

Дээр үед надад нэг хүн гөлөг бэлэглэе гэхээр нь би аваагүй юм байнга багаар бодоход сар эсвэл бүүр 2 сар монгол явдаг болохоор нохойтой хүн хэцүү. Нохойгоо хэнд өгөх вэ, хэнээр харуулах гээд бөөн ажил. Уул нь нохойны буудал асардаг хүмүүс байдаг ч гэсэн мэдээж аймар үнэтэй. За нэг иймэрхүү.

Өчигдөр надаас хоол нэхсэн Балук

 

Бүгдэд шинэ долоо хоногийн мэнд!

2021 оны зорилт 1. Мөнгө хэмнэх

Швейцарт 10 сард явж амрахдаа ийм шинэ жилийн гацуурны тоглоом хүнсний дэлгүүрт хараад шууд 5 ширхэгийг авсан байгаа юм. 2020 онд мод ч аваагүй байж тоглоом авсан огт хэрэглээгүй одоо энд зай эзлээд л... Би бас хааяадаа хадуураад дэмий2 юм их авах юмоо хахах.  2021 ондоо элдэв төрлийн хэрэгтэй хэрэггүй ийм жижиг сажиг зүйл авахгүй ээ.

Мade in Ukraine гэж бичээтэй байсан.

Айлд очиж цай (кофе) уув

Манай ээжийг айлууд цагаан сарын дараа их цай уулгадаг байж билээ, тэрэн шиг л зул сарын дараа бид хоёр айлд очиж кофе ууж, амттан идэв. Энд айлын эзэгтэй нар бүгд энэ амттангаа өөрсдөө хийнэ, хийдэггүй бэлэн авчихдаг нь бас байнаа байна. 

Модоо хураагаагүй айл байна гадаа цас ороод байгаа тул гоё л байна лээ.

айл болгон ийм кофе цайны аяга тавагны гоё хослолтой байдаг юм.

Энэ амттанг Ингэ бүгдийг өөрөө хийсэн гэсэн тэгээд их гүэ мөн гоё  амттай байна гэж хэлээд 3 ширхэгийг идчихлээ хахах.

Дараа нь ийм хатаасан ананас ширээн дээрээ тавьж байна лээ бас идсээн.

2020 худалдаж авсан гуталнууд

1.Зиак 2020 онд худалдаж авсан гуталнууд. Энэ бүгд хөл нүцгэн гутал гэж нэрлэдэг. Barfussschuhe. Энэ гуталнууд нь хөлд эвтэйхэн холгоддогүй, хөнгөн, ул нь асар зөөлхөн гуталнууд юмаа. Ихэнхдээ жирийн гутал таардаггүй нуруу өвддөг хүмүүст зориулагдсан мэдээж жирийн хүмүүс бас өмсөнө.

Бүгдийг нь өмсөж үзсэн их хөлөнд эвтэйхэн. Хэдэн ч км алхахаар ялангуяа хот дотор алхахад торохгүй. Энэ олон гутлыг бүгдийг нь нэг өдөр нэг дэлгүүрээс авсан юм. Яагаад гэхээр Констанц гэж хотод яг ийм төрлийн гутал зардаг дэлгүүр нь хаах болоод хамаг гуталнуудаа хямдруулаад миний аз таарч 6 ширхэг гутал аваад нэг гуталыг нь олон гутал авсан гээд бэлгэнд авсан.  Швейцар бүсгүй урд орой нь хоол идэж байхдаа надад энэ дэлгүүрийг зааж өгсөн юм. Баярлалаа Сусаннэ Мааг.

Leguano энэ гуталын компани нь германы том хотуудад дэлгүүр нь байдаг тул өмсөж үзээд авахад амар. 

Өндөр өсгийтэй гуталыг ер нь хоол идэхдээ л өмсдөг болсон. Машинтай ресторанд очиж ороод л сууж хоолоо идчихээд л машиндаа суугаад л болоо. Ёстой амар болсоон миний хувьд байгаа хэдийгээ өмсөөд л болоо. 2020 онд асар өндөр өсгийтэй өмсдөггүй туфль гуталаа бүгдийг ялгаад салгаад хүнд өгчихсөн.

1 сарын 6

Өнөөдөр бас амралтын өдөр. Германд шинэ жил зул сарын үеэр  нилээд удаан амардаг. Ихэнх компаниуд 12 сарын 20 ноос 1 сарын 10 хүртэл амардаг юм. Ажиллаж чаддаг амарч чаддаг ажиллаж ард түмэн юм даа. Өчигдөр манай энд цас ороод өнөөдөр овоо хайлаагүй байна. Гадаа хүйтэн тул булуууны яс чанаж байгаад ногоотой шөл иднэ гэсэн төлөвлөгөөтэй өнөөдөртөө. Гадаадад байгаа монголчууд минь био мах био яс авч чанаж идээрэй. Их чухал шүү. Гадуур хөл хориотой тул хүнсний дэлгүүрээс бусад бүх дэлгүүр хаалттай. Нэг бодлын амар ч юмуу даа хэрэггүй юманд мөнгөө үрэхгүй гадуур хоол идэхгүй. Энэ үеэр бид сар гаран гадагшаа өөр улс руу аяладаг юм бас болохгүй.